Kemi kënaqësinë të ndajmë me ju se dy nga DJ-të dhe artistët më të mëdhenj e më me ndikim në historinë e muzikës elektronike, Paul van Dyk dhe Paul Oakenfold, do të performojnë në Strumicë më 16 gusht, në Parkun e Qytetit, si pjesë e manifestimit “35 vjet pavarësi e Maqedonisë”, i cili filloi më 2 gusht – Ilinden, në Manastir dhe përfundon më 8 shtator në Shkup!

Eventi do të jetë i hapur dhe me hyrje falas, duke u mundësuar vizitorëve nga e gjithë Maqedonia të bëhen pjesë e një mbrëmjeje të paharrueshme me dy legjenda të vërteta të skenës botërore të muzikës elektronike.

Paul van Dyk është një nga DJ-të dhe producentët më të suksesshëm dhe më të respektuar të të gjitha kohërave, pionier i zhanrit trance, fitues i shumë çmimeve ndërkombëtare dhe një artist që për më shumë se tri dekada ka qenë ndër emrat më të rëndësishëm që kanë formësuar dhe vazhdojnë ta formësojnë skenën botërore të muzikës elektronike.

Paul Oakenfold, gjithashtu, është një nga pionierët e muzikës trance, me një rol të rëndësishëm në popullarizimin e saj global, falë bashkëpunimeve të tij me emra si Madonna, U2, The Rolling Stones, Michael Jackson, The Cure dhe shumë të tjerë!

Ju presim nga e gjithë Maqedonia më 16 gusht në Strumicë, në Parkun e Qytetit!